Cenazeyê dengbêj Mihemedê Nenyasî û yê hevjîna wî û 3 zarokên wî piştî 10 rojan ji bin xirbeyên avahiya Diyar Galerîayê ya Amedê hatin derxistin.
Karesata erdhejê ku navenda wê navçeya Bazarcixa Mereşê bû bandorek neyînî li Amedê jî kir. Erdheja li Amedê, bû sedema hilweşandina 7 avahiyan. Li aliyekî xebata lêgerînê û rizgarkinê dewam dike, li aliyê din jî cenazeyên qurbaniyan ji bin xirbeyan tên derxistin.
Di xebata lêgerîn û rizgarkirinê de ya li nav xirbeyên Navenda Kar a Diyar Galerîayê ya Amedê cenazeyê dengbêj Mihemedê Nenyasî (Mehmet Tanriverdî) û ferdên malbata wî îro piştî 10 rojan ji bin xirbeyan hatin derxistin.
Nenyasî û hevjîna xwe Servet û zarokên wan Nerîman, Ayfer û Yûnûs ku di bin xirbeyên avahiyê de mabûn, îro piştî cenazeyê wan ji bin xirbeyan hat derxistin, rakirin nexweşxaneyê.
Piştî karên otopsiyê, enazeyên her pênc ferdên malbata Nenyasî li Goristana Yenîkoyê ya Amedê hatin veşartin.
